နေပြည်တော် နိုဝင်ဘာလ ၅
နေပြည်တော်၊ Hilton Hotel တွင် ၅-၁၁-၂၀၁၈ ရက်နေ့ နံနက် ၉:၀၀ နာရီ၌ စီမံကိန်းနှင့်ဘဏ္ဍာရေးဝန်ကြီးဌာနနှင့် အပြည်ပြည်ဆိုင်ရာငွေကြေးရန်ပုံငွေအဖွဲ့(IMF)တို့ ဦးဆောင်၍ မြန်မာနိုင်ငံဖွံ့ဖြိုးတိုးတက်ရေးအတွက် ဘဏ္ဍာငွေဖြည့်ဆည်းခြင်း၊ အခွန်ဘဏ္ဍာဆိုင်ရာ ကာလလတ် မဟာဗျူဟာ အလုပ်ရုံဆွေးနွေးပွဲကို ကျင်းပခဲ့ပါသည်။ အဆိုပါအလုပ်ရုံဆွေးနွေးပွဲတွင် စီမံကိန်းနှင့်ဘဏ္ဍာရေးဝန်ကြီးဌာန၊ ပြည်ထောင်စုဝန်ကြီး ဦးစိုးဝင်း တက်ရောက်၍ အဖွင့်အမှာစကားပြောကြားခဲ့ပါသည်။
နေပြည်တော်၊ ရုံးအမှတ် ၄၆၊ ပြည်တွင်းအခွန်များဦးစီးဌာန၊ အစည်းအဝေးခန်းမ၌ ၃၁-၁၀-၂၀၁၈ ရက်နေ့တွင် အခွန်ရငွေဆိုင်ရာကာလလတ် မဟာဗျူဟာကိစ္စရပ်နှင့် ပတ်သက်၍ အပြည်ပြည်ဆိုင်ရာငွေကြေးရန်ပုံငွေအဖွဲ့ (IMF) မှ Senior Economist ဖြစ်သူ Ms.Margaret Cotton ဦးဆောင်သော အခွန်ရငွေဆိုင်ရာ ကာလလတ်မဟာဗျူဟာ (Medium-Term Revenue Strategy) မစ်ရှင်အဖွဲ့နှင့် အစည်းအဝေး ကျင်းပပြုလုပ်ခဲ့ပါသည်။ အဆိုပါ အစည်းအဝေးသို့ ပြည်တွင်းအခွန်များဦးစီးဌာနမှ ဌာနခွဲညွှန်ကြားရေးမှူးများနှင့် တာဝန်ရှိသူများ တက်ရောက်ခဲ့ကြကြောင်း သိရှိရပါသည်။
စီမံကိန်းနှင့် ဘဏ္ဍာရေးဝန်ကြီးဌာန
ပြည်တွင်းအခွန်များ ဦးစီးဌာန
အောင်ဘာလေသိန်းဆုဌာနခွဲ
ကြေညာချက်
(၂၀၁၈ ခုနှစ် နိုဝင်ဘာလ ၁ ရက် )
၁။ ဒီဇင်ဘာလ (၁) ရက်နေ့တွင် ထီဖွင့်ပွဲပြုလုပ်ပေးမည့် (၂၁ )ကြိမ်မြောက် ကျပ် (၅၀၀) တန် အောင်ဘာလေထီလက်မှတ် နမူနာမှာ အောက်ပါအတိုင်း ဖြစ်ပါသည်−
