September 2019 Archives
စီမံကိန်းနှင့်ဘဏ္ဍာရေးဝန်ကြီးဌာန
ပြည်တွင်းအခွန်များဦးစီးဌာန
အောင်ဘာလေသိန်းဆုဌာနခွဲ
ကြေညာချက်
(ရက်စွဲ၊ ၂၀၁၉ ခုနှစ်၊ စက်တင်ဘာလ ၂၆ ရက်)
ရန်ကုန်၊ စက်တင်ဘာ ၂၃
အပြည်ပြည်ဆိုင်ရာငွေကြေးရန်ပုံငွေအဖွဲ့၊ IMF Legal Department မှ အကြံပေးများဖြစ်ကြသည့် Mr. Irving Aw နှင့် Ms. Usha Chandradas တို့သည် ၁၆-၉-၂၀၁၉ ရက်နေ့မှ ၂၇-၉-၂၀၁၉ ရက်နေ့အထိ မြန်မာနိုင်ငံသို့လာရောက်မည်ဖြစ်ပြီး အဆိုပါခရီးစဉ်အတွင်း (၂၃-၉-၂၀၁၉ ရက်နေ့မှ ၂၅-၉-၂၀၁၉ ရက်နေ့အထိ) ရန်ကုန်မြို့ အခွန်ထမ်းကြီးများဆိုင်ရာအခွန်ရုံးတွင် ပြည်တွင်းအခွန်များဦးစီးဌာန၏ ဥပဒေဆိုင်ရာကိစ္စရပ်များကို ဆွေးနွေးမည်ဖြစ်ရာ၊ ယနေ့ ၂၃-၉-၂၀၁၉ ရက်နေ့တွင် အခွန်ဆိုင်ရာစီမံအုပ်ချုပ်မှုဥပဒေနှင့်ပတ်သက်၍ ဆွေးနွေးခဲ့ကြောင်းသိရှိရပါသည်။
နေပြည်တော်၊ စက်တင်ဘာလ ၁၇
ပြည်တွင်းအခွန်များဦးစီးဌာနအနေဖြင့် ၂၀၁၈-၂၀၁၉ ဘဏ္ဍာနှစ် သြဂုတ်လကုန်အထိ အခွန်အရပ်ရပ်ကောက်ခံရရှိမှုစုစုပေါင်းမှာကျပ် ၅၈၄၁.၁၂၈ ဘီလီယံဖြစ်သဖြင့် လျာထားချက်၏ ၉၃.၆၃% ကိုအကောင်အထည်ဖော်နိုင်ခဲ့ပြီးဖြစ်ပါသည်။ အဆိုပါ ကောက်ခံရရှိမှုတွင် နိုင်ငံပိုင်ကဏ္ဍမှ ကျပ် ၁၁၆၉.၈၈၂ ဘီလီယံ၊ သမဝါယမကဏ္ဍမှ ကျပ် ၁.၆၀၄ ဘီလီယံနှင့် ပုဂ္ဂလိကကဏ္ဍမှ ကျပ် ၄၆၆၉.၆၄၂ ဘီလီယံပါဝင်ကြောင်းသိရှိရပါသည်။
နေပြည်တော်၊ စက်တင်ဘာ ၁၃
နေပြည်တော်၊ ရုံးအမှတ် ၄၆ ၊ ပြည်တွင်းအခွန်များဦးစီးဌာန၊ သင်တန်းခန်းမတွင် မြို့နယ်အခွန်ဦးစီးဌာနမှူးလုပ်ငန်းကျွမ်းကျင်မှုသင်တန်းအမှတ်စဉ် (၇၁) သင်တန်းဆင်းပွဲအခမ်းအနားကို ယနေ့ ၁၃-၉-၂၀၁၉ ရက်နေ့ နံနက် ၀၈း၃၀ နာရီအချိန်၌ ကျင်းပခဲ့ရာ ပြည်တွင်းအခွန်များဦးစီးဌာန ညွှန်ကြားရေးမှူးချုပ် ဦးမင်းထွဋ်က သင်တန်းဆင်းပွဲအမှာစကားပြောကြား၍ သင်တန်းတွင်ထူးချွန်ဆုရရှိသူများအားဆုချီးမြှင့်ခြင်းနှင့်သင်တန်းဆင်းအောင်လက်မှတ်များပေးအပ်ခြင်းတို့ကိုဆောင်ရွက်ခဲ့ကြောင်းသိရှိရပါသည်။
နေပြည်တော် စက်တင်ဘာ ၄
စီမံကိန်းနှင့်ဘဏ္ဍာရေးဝန်ကြီးဌာန
ပြည်တွင်းအခွန်များဦးစီးဌာန
အောင်ဘာလေသိန်းဆုဌာနခွဲ
ကြေညာချက်
(၂၀၁၉ ခုနှစ်၊ စက်တင်ဘာ လ ၁ ရက်)
၁။ အောက်တိုဘာလ (၁) ရက်နေ့တွင် ထီဖွင့်ပွဲပြုလုပ်ပေးမည့် (၈) ကြိမ်မြောက် ကျပ် ၁၀၀၀ တန် အောင်ဘာလေထီလက်မှတ်နမူနာမှာ အောက်ပါအတိုင်းဖြစ်ပါသည်-