မြန်မာ့အာမခံလုပ်ငန်း၊ စစ်ကိုင်းတိုင်းဒေသကြီး၊ မုံရွာရုံးခွဲမှ ဒုတိယတာဝန်ခံနှင့် ဝန်ထမ်း(၂)ဦး တို့သည် အာမခံလုပ်ငန်း အသိပညာပေးဟောပြောပွဲကို (၂၃-၃-၂၀၁၉) ရက်နေ့ နံနက် (၉:၀၀)နာရီတွင် ယင်းမာပင်ခရိုင်၊ ကနီမြို့ မြို့တော်ခန်းမ၌ ကျင်းပခဲ့ရာ တက်ရောက်သူဦးရေ (၁၀၀)ကျော်ခန့် တက်ရောက်ခဲ့ကြပါသည်။
April 2019 Archives
မြန်မာ့အာမခံလုပ်ငန်း၊ မူဆယ်ခရိုင်ရုံးမှ ခရိုင်တာဝန်ခံသည် အာမခံလုပ်ငန်း အသိပညာပြန့်ပွား ဟောပြောပွဲကို (၂၂-၃-၂၀၁၉) ရက်နေ့ နံနက် (၁၁:၀၀)နာရီ အချိန်တွင် တာမိုးညဲမြို့၊ မြို့နယ်အထွေထွေအုပ်ချုပ်ရေးဦးစီးဌာနခန်းမ၌ ကျင်းပခဲ့ရာ လူဦးရေ (၇၀)ဦးခန့် တက်ရောက်ခဲ့ ကြပါသည်။
အဆိုပါဟောပြောပွဲတွင် ခရိုင်တာဝန်ခံမှ သူတပါးထိခိုက်မှုအာမခံ၊ နှစ်တိုငွေပင်ငွေရင်းအသက် အာမခံ၊ မီးနှင့်အမျိုးမျိုးအာမခံ၊ ခရီးသွားအာမခံနှင့် ကုန်းလမ်းကုန်ပစ္စည်းအာမခံအကြောင်း တို့ကို ရှင်းလင်းပြောကြားခဲ့ပြီး မေးမြန်းသည်များကို ပြန်လည်ရှင်းလင်းဆွေးနွေးခဲ့ပါသည်။
မြန်မာ့အာမခံလုပ်ငန်း၊ မြိတ်ခရိုင်ရုံးမှ အာမခံလုပ်ငန်းအကြောင်း သိကောင်းစရာများ ရှင်းလင်း ဆွေးနွေးဟောပြောပွဲကို ကျွန်းစုမြို့နယ်၊ အထွေထွေအုပ်ချုပ်ရေးဦးစီးဌာန၊ ကျွန်းရတနာခန်းမ တွင် (၂၉-၃-၂၀၁၉) ရက်နေ့ နံနက် (၁၁:၀၀) နာရီတွင် ကျင်းပပြုလုပ်ခဲ့ရာ ဌာနဆိုင်ရာ အရာထမ်း၊ ဝန်ထမ်းများနှင့် ရပ်ကွက်/ကျေးရွာအုပ်ချုပ်ရေးမှူးများ အပါအဝင် (၅၀) ဦးခန့် တက်ရောက်ခဲ့ပါသည်။
မြန်မာ့အာမခံလုပ်ငန်း၊ တာချီလိတ်ခရိုင်ရုံးမှ (၂၈-၃-၂၀၁၉) ရက်နေ့ နေ့လည် (၁:၀၀)နာရီတွင် တာချီလိတ်မြို့၊ ပါလျှံရပ်ကွက်၊ ရဲဝန်ထမ်းမိသားစုဓမ္မာရုံတွင် ကုန်းလမ်းပို့ဆောင်ရေး ညွှန်ကြားမှုဦးစီးဌာန၊ ယာဉ်ထိန်းရဲတပ်ဖွဲ့တို့နှင့်ပူးပေါင်းပြီး အာမခံအကြောင်းသိကောင်းစရာ များဆွေးနွေးဟောပြောပွဲ အစီအစဉ်အားဆောင်ရွက်ခဲ့ပါသည်။ ဟောပြောပွဲတွင် တာချီလိတ်မြို့နေပြည်သူ စုစုပေါင်း (၂၅၀)ဦး တက်ရောက်ခဲ့ပါသည်။
မြန်မာ့အာမခံလုပ်ငန်း၊ မွန်ပြည်နယ်ရုံး၏ အာမခံလုပ်ငန်းအသိပညာပြန့်ပွားရေး ဟောပြောပွဲကို (၁၄-၃-၂၀၁၉) ရက်နေ့ ညနေ (၄:၀၀)နာရီအချိန်တွင် ပြန်ကြားရေးဝန်ကြီးဌာန၊ သတင်းနှင့််စာနယ်ဇင်းလုပ်ငန်း၊ ကိုယ်ပွားသတင်းစာတိုက်(မော်လမြိုင်)တွင် အဆိုပါဌာနရှိ ဝန်ထမ်းများကို ရှင်းလင်းဟောပြောခဲ့ရာ တက်ရောက်အင်အား စုစုပေါင်း (၃၀)ဦးခန့် တက်ရောက်ကြပါသည်။
အဆိုပါဟောပြောပွဲတွင် မွန်ပြည်နယ်ရုံး၏ ဒုတိယတာဝန်ခံမှ အာမခံနှင့်ပတ်သက်သည်များကို ရှင်းလင်းဟောပြောခဲ့ပြီးတက်ရောက်လာသူများမှ သိလိုသည်များကို အပြန်အလှန်မေးမြန်းဆွေးနွေးခဲ့ပါသည်။
မြန်မာ့အာမခံလုပ်ငန်း၊ မန္တလေးတိုင်းဒေသကြီးရုံး မှ အာမခံလုပ်ငန်းအသိပညာပြန့်ပွားရေး ဟောပြောပွဲကို (၁၈-၃-၂၀၁၉) ရက်နေ့ နံနက် ၉:၀၀ နာရီတွင် ပြင်ဦးလွင်ခရိုင်၊ ပြင်ဦးလွင်မြို့ရှိ အမှတ် (၂၄) ကာကွယ်ရေးပစ္စည်းစက်ရုံ အစည်းအဝေးခန်းမ၌ကျင်းပခဲ့ရာ အမှတ်(၂၄) ကာကွယ်ရေးပစ္စည်းစက်ရုံမှ လက်ထောက်စက်ရုံမှူး ဗိုလ်မှူးထက်နေအောင်၊ တပ်ရေးဗိုလ်ကြီး- ဗိုလ်ကြီးစောရန်နောင်နှင့် အရာထမ်း/အမှုထမ်း စုစုပေါင်း (၈၅)ဦး တက်ရောက်ခဲ့ပြီး နိုင်ငံဝန်ထမ်း အသက်အာမခံ(ကာလတို)နှင့် ကျန်းမာရေးအာမခံထားရှိရန်အတွက် စည်းရုံး လက်ခံ ဆောင်ရွက်ခဲ့ပါသည်။
မြန်မာ့အာမခံလုပ်ငန်း၊ ရှမ်းပြည်နယ်ရုံး၏ အာမခံလုပ်ငန်းအကြောင်း အသိပညာပေးပြန့်ပွား ရေးဟောပြောပွဲကို (၁၆-၃-၂၀၁၉) ရက်နေ့ နံနက် (၉:၃၀) နာရီအချိန်တွင် ရှမ်းပြည်နယ် (တောင်ပိုင်း) တောင်ကြီးမြို့နယ်၊ ရွှေညောင်မြို့၊ အမှတ် (၄) ရဲလေ့ကျင့်ရေးသင်တန်းကျောင်း၊ တောင်လေးလုံး၌ ကျင်းပခဲ့ရာ သင်တန်းမှူးနှင့် တာဝန်ရှိသူများ၊ သင်တန်းသားများ၊ စုစုပေါင်း (၃၂၀) ဦးတက်ရောက်ခဲ့ပါသည်။
မြန်မာ့အာမခံလုပ်ငန်း၊ မန္တလေးတိုင်းဒေသကြီးရုံး၏ အာမခံလုပ်ငန်းအသိပညာပြန့်ပွားရေး ဟောပြောပွဲကို (၁၅-၃-၂၀၁၉) ရက်နေ့ နံနက် ၁၁:၃၀ နာရီတွင် မန္တလေးမြို့ရှိ ဆေးဘက်ဆိုင်ရာ နည်းပညာတက္ကသိုလ် အစည်းအဝေးခန်းမ၌ကျင်းပခဲ့ရာ ဆေးဘက်ဆိုင်ရာနည်းပညာ တက္ကသိုလ်မှ ပါမောက္ခချုပ်၊ ပါမောက္ခ/ဌာနမှူးများ၊ လက်ထောက်မော်ကွန်းထိန်းများ၊ ဆရာ/ဆရာမများနှင့် အရာထမ်း/ဝန်ထမ်းများ စုစုပေါင်း (၁၂၀) ဦးတက်ရောက်ခဲ့ပြီး နိုင်ငံ့ဝန်ထမ်းအသက်အာမခံ (ကာလတို) နှင့် ကျန်းမာရေးအာမခံ ထားရှိရန်အတွက် စည်းရုံးလက်ခံဆောင်ရွက်ခဲ့ပါသည်။