March 2023 Archives

(၃၈) ကြိမ်မြောက် အာဆီယံအရင်းအနှီးဈေးကွက်ဖိုရမ် ဥက္ကဋ္ဌများအစည်းအဝေး (38^th ASEAN Capital Market Forum-ACMF Chairs Meeting) ကို အင်ဒိုနီးရှားနိုင်ငံ၊ ရော့ယာကာတာမြို့ရှိ Tentrem ဟိုတယ်၌ မတ်လ ၂၀ ရက် နေ့တွင် ကျင်းပခဲ့ပါသည်။

၂၀၂၃ ခုနှစ်၊ မတ်လ (၁၂) ရက်နေ့တွင် ရန်ကုန်မြို့၊ Melia ဟိုတယ်၌ ကျင်းပပြုလုပ်ခဲ့သော CB ငွေချေးသက်သေခံလက်မှတ်ကုမ္ပဏီ၏ Online Trading Platform များဖြစ်သော CB Trader 2.0 Mobile Application နှင့် Web Application များ မိတ်ဆက်ပွဲအခမ်းအနားတွင် ကော်မရှင်အတွင်းရေးမှူးနှင့် ညွှန်ကြားရေးမှူးချုပ် ဦးကြည်ဇင်ထွန်းမှ အဖွင့်အမှာစကားပြောကြားခဲ့ပါသည်။ အဆိုပါ မိတ်ဆက်ပွဲသို့ ကော်မရှင်အဖွဲ့ဝင်များနှင့် ကော်မရှင်ရုံး၊ ရန်ကုန်စတော့အိတ်ချိန်းနှင့် စာရင်းဝင်ကုမ္ပဏီများမှ အကြီးတန်းတာဝန်ရှိသူများ ၊ ရင်းနှီးမြှုပ်နှံသူများ စုစုပေါင်း ၁၀၀ ဦးခန့်တက်ရောက်ခဲ့ကြပါသည်။

ငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင်ရုံး တည်ထောင်ဖွင့်လှစ်ခြင်း ၈ နှစ်ပြည့် နှစ်ပတ်လည်နေ့အခမ်းအနားကို ၂၀၂၃ ခုနှစ်၊ ဖေဖော်ဝါရီ ၂၄ ရက်နေ့၊ နံနက် ၁၁:၀၀ နာရီတွင် ကော်မရှင်ရုံးအစည်းအဝေးခန်းမ၌ ကျင်းပပြုလုပ်ခဲ့ပါသည်။

ငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင်၏ (၂/၂၀၂၃) ကြိမ်မြောက် အစည်းအဝေးကို ၂၀၂၃ ခုနှစ်၊ ဖေဖော်ဝါရီလ ၂၃ ရက်နေ့ မွန်းလွဲ ၁:၀၀ တွင် Virtual စနစ်ဖြင့်ကျင်းပခဲ့ရာ ကော်မရှင်ဥက္ကဋ္ဌ၊ စီမံကိန်းနှင့်ဘဏ္ဍာရေးဝန်ကြီးဌာန ၊ ဒုတိယဝန်ကြီး ဦးမောင်မောင်ဝင်း တက်ရောက်ခဲ့ပြီး အရင်းအနှီးဈေးကွက်ဖွံ့ဖြိုးတိုးတက်ရေးအတွက် လက်ရှိဆောင်ရွက်နေမှုများ၊ ငွေချေးသက်သေခံလက်မှတ်ဈေးကွက်အခြေအနေများနှင့် ဆက်လက်ဆောင်ရွက်မည့်ကိစ္စရပ်များကို ဆွေးနွေးခဲ့ကြပါသည်။

၂၀၂၃ ခုနှစ်၊ ဖေဖော်ဝါရီလ (၂၃) ရက်နေ့တွင် ငွေကြေးခဝါချမှုနှင့် အကြမ်းဖက်မှုကိုငွေကြေး ထောက်ပံ့မှုတိုက်ဖျက်ရေးလုပ်ငန်းအဖွဲ့၏ လမ်းညွှန်ချက်နှင့်အညီ မြန်မာနိုင်ငံငွေချေးသက်သေခံ လက်မှတ်လုပ်ငန်းကြီးကြပ်ရေးကော်မရှင်မှ ကြီးမှူးကျင်းပပြုလုပ်သည့် “ငွေချေးသက်သေခံ လက်မှတ်လုပ်ငန်းတွင် ငွေကြေးခဝါချမှုနှင့်အကြမ်းဖက်မှုကိုငွေကြေးထောက်ပံ့မှုတိုက်ဖျက်ရေး ဆိုင်ရာ ညွှန်ကြားချက်များနှင့်စပ်လျဉ်း၍ KBZSC ငွေချေးသက်သေခံလက်မှတ်ကုမ္ပဏီမှ ဝန်ထမ်းများအား ရှင်းလင်းဆွေးနွေးပွဲကို ကော်မရှင်ရုံးအစည်းအဝေးခန်းမ၌ ကျင်းပပြုလုပ်ခဲ့ရာ ငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင်ရုံးမှ ညွှန်ကြားရေးမှူးချု