မြန်မာ့အာမခံလုပ်ငန်းရှိ အရာထမ်း/ဝန်ထမ်းများအား အာမခံလုပ်ငန်းများကို ကွန်ပျူတာ စနစ်ဖြင့်ဆောင်ရွက်ရာတွင် အဆင်ပြေချောမွေ့စေရန်နှင့် ခေတ်နှင့်အမှီ ဖွံ့ဖြိုးတိုးတက်စေရန်အတွက် အခြေခံကွန်ပျူတာသင်တန်းများ ဖွင့်လှစ်ပို့ချပေးလျက်ရှိရာ ကွန်ပျူတာတတ်မြောက်မှု မရှိသေးသည့် အရာထမ်း/ဝန်ထမ်း ၂၇၆ ဦးအနက်မှ ထပ်မံ၍ မနက်ပိုင်းသင်တန်းတွင် သင်တန်းသား (၂၂) ဦး၊ မွန်းလွဲပိုင်းသင်တန်းတွင် (၂၁) ဦးဖြင့် (၄၃) ဦးတို့အား ရုံးချုပ်၊ ကွန်ပျူတာသင်တန်းခန်းမတွင် ၉-၁၀-၂၀၁၇ မှ ၁၀-၁၁-၂၀၁၇ ထိ ဖွင့်လှစ်ပို့ချပေးခဲ့ပါသည်။
မြန်မာ့အာမခံလုပ်ငန်းသတင်းများ
Date:
စီမံကိန်းနှင့်ဘဏ္ဍာရေးဝန်ကြီးဌာန ၊ မြန်မာ့အာမခံလုပ်ငန်းတွင် အာမခံအကာအကွယ်များ ဝယ်ယူထားရှိပြီး မော်တော်ယာဉ်၊ လူ့အသက်ဆုံးရှုံးခဲ့သူများသို့ ဆုံးရှုံးမှုနစ်နာကြေးပေးအပ်ပွဲ အခမ်းအနားအား ရန်ကုန်မြို့၊ မြန်မာ့အာမခံလုပ်ငန်း (ရုံးချုပ်) ၊ စတုတ္ထထပ်၊ အစည်းအဝေးခန်းမတွင် ၂၄.၁၁.၂၀၁၇ ရက်နေ့ (၁၄:၀၀) နာရီတွင် ကျင်းပပြုလုပ်ခဲ့ပါသည်။
Date:
မြန်မာ့အာမခံလုပ်ငန်း၊ မြိတ်ခရိုင်ရုံးမှ အာမခံအကြောင်းသိကောင်းစရာ ရှင်းလင်းဟောပြောပွဲကို (၇-၁၁-၂၀၁၇)ရက်နေ့ မွန်းလွဲ(၁:၃၀)နာရီအချိန်တွင် မြိတ်မြို့၊ စည်ပင်သာယာရေးအဖွဲ့ ရုံးခန်းမတွင် ကျင်းပပြုလုပ်ခဲ့ပြီး ပြည်သူလူထု(၅၀)ဦးခန့် တက်ရောက်ခဲ့ပါသည်။
Date:
မြန်မာ့အာမခံလုပ်ငန်း၊ မြင်းခြံခရိုင်ရုံး၏ အာမခံအကြောင်းသိကောင်းစရာ ဆွေးနွေး ဟောပြောပွဲကို (၃၀-၁၀-၂၀၁၇)ရက်နေ့ နံနက်(၁၀:၀၀)နာရီအချိန်တွင် မြင်းခြံမြို့၊ မြို့နယ် အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ၌ ကျင်းပပြုလုပ်ရာ ရပ်ကွက်/ကျေးရွာ အုပ်ချုပ်ရေးမှူးများနှင့် ရပ်ကွက်ကျေးရွာအထွေထွေအုပ်ချုပ်ရေး စာရေးဝန်ထမ်းများ စုစုပေါင်း(၁၀၀)ဦးခန့်တက်ရောက်ကြပါသည်။
Date:
Credit Guarantee Insurance လုပ်ငန်းညှိနှိုင်းဆွေးနွေးပွဲကို (၁၇.၁၁.၂၀၁၇) ရက်နေ့ နေ့လည်(၂:၀၀)နာရီတွင် မြန်မာ့အာမခံလုပ်ငန်း(ရုံးချုပ်)၌ ကျင်းပခဲ့ပါသည်။
ညှိနှိုင်းဆွေးနွေးပွဲသို့ မြန်မာ့အာမခံလုပ်ငန်းမှ ဦးဆောင်ညွှန်ကြားရေးမှူးနှင့် အရာရှိများ၊ မြန်မာနိုင်ငံတော်ဗဟိုဘဏ်၊ ငွေရေးကြေးရေးကြီးကြပ်စစ်ဆေးရေး ဦးစီးဌာန၊ စက်မှုကြီးကြပ်ရေးနှင့်စစ်ဆေးရေးဦးစီးဌာန၊ မြန်မာ့စီးပွားရေးဘဏ်၊ မြန်မာ့ရင်းနှီးမြုပ်နှံမှုနှင့်ကူးသန်းရောင်းဝယ်ရေးဘဏ်၊ မြန်မာ့လယ်ယာဖွံ့ဖြိုးရေး ဘဏ်မှ အရာရှိကြီးများ၊ JICA နှင့် SMBC မှ တာဝန်ရှိသူများ၊ ပုဂ္ဂလိကဘဏ်များ အားလုံးမှ တာဝန်ရှိသူများ တက်ရောက်ဆွေးနွေးခဲ့ကြပါသည်။
Date:
ရန်ကုန်တိုင်းဒေသကြီး၊ ဗဟန်းမြို့နယ်၊ ကန်ရိပ်သာလမ်းရှိ ကန်တော်ကြီးပဲလေ့စ်ဟိုတယ် အဆောက်အဦးသည် (၁၉-၁၀-၂၀၁၇)ရက်နေ့ နံနက်(၃:၀၀)နာရီအချိန်တွင် မီးလောင်မှုဖြစ်ပွား ခဲ့ရာ၌ Hotel အဆောက်အဦးနှင့် Club အဆောက်အဦး(၂)လုံး မီးလောင်ဆုံးရှုံးခဲ့မှုအတွက် လျော်ကြေးပေးအပ်ပွဲအခမ်းအနားကို (၁၇-၁၁-၂၀၁၇)ရက်နေ့ နေ့လည်(၁၁:၀၀)နာရီအချိန်တွင် မြန်မာ့အာမခံလုပ်ငန်းရုံးချုပ် စတုတ္ထထပ်အစည်းအဝေးခန်းမ၌ ကျင်းပပြုလုပ်ခဲ့ပါသည်။
Date:
စီမံကိန်းနှင့်ဘဏ္ဍာရေးဝန်ကြီးဌာန မြန်မာ့အာမခံလုပ်ငန်း ဦးဆောင်ညွှန်ကြားရေးမှူး ဒေါက်တာစန္ဒာဦးနှင့် အဖွဲ့သည် (၁၁-၁၁-၂၀၁၇)ရက်နေ့တွင် နိုင်ငံတော်ပိုင် မြန်မာ့အာမခံလုပ်ငန်းတွင် တောင်သူလယ်သမား အသက်အာမခံ ထားရှိသူ ၁ ဦး အတွက် လျော်ကြေးပေးအပ်ခဲ့ပြီး အာမခံအကြောင်း ပြည်သူလူထု ပိုမိုသိရှိစေရန်ရည်ရွယ်၍ ရှင်းလင်းဆွေးနွေးခြင်းများ ပြုလုပ်ခဲ့ကာ မြန်မာ့အာမခံလုပ်ငန်း ပခုက္ကူခရိုင်ရုံးမှ ဝန်ထမ်းများနှင့်အတူ မှတ်တမ်းဓါတ်ပုံများ ရိုက်ကူးခဲ့ပါသည်
Date:
မြန်မာ့အာမခံလုပ်ငန်း မြင်းခြံခရိုင်ရုံး၏ ဝင်ငွေလျာထားချက် ပိုမိုတိုးတက်ရရှိစေရေး၊ မြန်မာ့အာမခံလုပ်ငန်းမှဆောင်ရွက်နေသော အာမခံ လုပ်ငန်းဆိုင်ရာများအား ပြည်သူလူထုအတွင်း ကျယ်ပြန့်စွာသိရှိနားလည်စေရေး ရည်ရွယ်၍ မြန်မာ့အာမခံလုပ်ငန်း ဦးဆောင်ညွှန်ကြားရေးမှူး ဒေါက်တာစန္ဒာဦးသည် မြန်မာ့အာမခံလုပ်ငန်း မြင်းခြံခရိုင်ရုံး အရာထမ်းဝန်ထမ်းများနှင့် ၁၃.၁၁.၂၀၁၇ ရက်နေ့ နံနက် ၀၉း၃၀ နာရီမှ ၁၁း၃၀ နာရီအထိ တွေ့ဆုံမှာကြားခဲ့ပါသည်။
Date:
မြန်မာ့အာမခံလုပ်ငန်း၊ ကယားပြည်နယ်ရုံးမှ ပြည်နယ်တာဝန်ခံအဖြစ် တာဝန်ထမ်းဆောင်နေသူ ကြီးကြပ်ရေးမှူး ဒေါ်အေးအေးမြင့်မှ စီမံကိန်း၊ ငွေရေးကြေးရေးနှင့် ရင်းနှီးမြှုပ်နှံမှုဆိုင်ရာ အခြေခံသင်တန်းအမှတ်စဉ် (၁/၂၀၁၇) သင်တန်းသို့ (၁၆.၁၀.၂၀၁၇) ရက်နေ့နံနက် (၁၀:၀၀) နာရီမှ (၁၂:၀၀) နာရီအထိ မြန်မာ့အာမခံလုပ်ငန်း၊ အာမခံဘာသာရပ်သင်တန်းမှတ်စုများကို ရှင်းလင်းသင်ကြားပေးခဲ့ပြီး သိရှိလိုသည့်မေးမြန်းချက်များအပေါ် ပြည်နယ်တာဝန်ခံမှ ပြန်လည်ရှင်းလင်းဖြေကြားခဲ့ပါသည်။
Date:
ချင်းပြည်နယ်၊ တီးတိန်မြို့မှ စစ်ကိုင်းတိုင်းဒေသကြီး၊ ကလေးမြို့သို့ ၁၀.၁၀ ၂၀၁၇ ရက်နေ့တွင် ထွက်ခွာလာသော မော်တော်ယာဉ်အမှတ်၊ ၈ည-၁၉၈၅ သည် တီးတိန်မြို့နယ်၊ သိုင်းငင်းကျေးရွာ အနီးအရောက် အတက်ကားကို ဦးစားပေး၍ လမ်းဘေးချ၍ ယာဉ်ရပ်ထားစဉ် လမ်းဘေးမြေသားအိကျ၍ လမ်းဘေးချောက်ခဲသို့ထိုးကျ ယာဉ်တိမ်း မှောက်မှုဖြစ်ပွားခဲ့ပါသည်။ ယာဉ်ပေါ်တွင် စီးနင်းလိုက်ပါလာသူ ခရီးသည်များ အနက် ခရီးသည် (၅)ဦးသေဆုံးခဲ့ပြီး၊ (၁၃) ဦး ဒဏ်ရာရရှိခဲ့ခြင်းအတွက် သူတစ်ပါးထိခိုက်မှု အာမခံနစ်နာကြေးပေးချေခြင်း လျော်ကြေးပေးအပ်ပွဲ အခမ်းအနားအား ၆.၁၁.၂၀၁၇ နေ့ (၀၉:၀၀) နာရီတွင် ကလေးမြို့၊ မြို့နယ်ခန်းမတွင် ကျင်းပပြုလုပ်ရာ စီမံကိန်းနှင့်ဘဏ္ဍာရေး ဝန်ကြီ