မြန်မာ့အာမခံလုပ်ငန်းနှင့် Pana Harrison (Asia) Pte., Ltd. တို့၏အစီအစဉ်ဖြင့် Understanding and Managing an Insurer’s Risks ခေါင်းစဉ်ဖြင့် ဆွေးနွေးပွဲကို ၁၇-၈-၂၀၁၇ ရက်နေ့ နံနက် ၉:၀၀ နာရီမှစတင်၍ ညနေ ၄:၃၀ နာရီအချိန်အထိ မြန်မာ့အာမခံလုပ်ငန်း (ရုံးချုပ်) ဆွေးနွေးပွဲခန်းမ၌ ကျင်းပပြုလုပ်ခဲ့ကြောင်း သိရှိရပါသည်။
၁၆-၈-၂၀၁၇ ရက်နေ့ နံနက် ၁၀:၀၀ နာရီတွင် A.M. Best - EMEA & Asia Pacific မှ Chief Executive Officer နှင့်အဖွဲ့သည် မြန်မာ့အာမခံလုပ်ငန်းသို့ လာရောက်၍ အထွေထွေမန်နေဂျာနှင့်အဖွဲ့အား Credit Rating in Emerging Market အကြောင်း ရှင်းလင်းဆွေးနွေးခဲ့ပါသည်။
၁၅-၈-၂၀၁၇ ရက်နေ့ နေ့လည် ၂:၃၀ နာရီတွင် Pana Harrison (Asia) Pte. Ltd. မှ Regional Director နှင့် Swiss Re မှ Vice President ဦးဆောင်သည့်အဖွဲ့တို့ မြန်မာ့အာမခံလုပ်ငန်းသို့ လာရောက်၍ အထွေထွေမန်နေဂျာနှင့်တွေ့ဆုံပြီး Reinsurance နှင့် Engineering Insurance အကြောင်း ဆွေးနွေးခဲ့ပါသည်။
စီမံကိန်းနှင့်ဘဏ္ဍာရေးဝန်ကြီးဌာန၊ မြန်မာ့အာမခံလုပ်ငန်းတွင် အာမခံအကာအကွယ်များ ဝယ်ယူထားရှိပြီး ရေကြောင်းကုန်ပစ္စည်း၊ ရေယာဉ်ကိုယ်ထည်နှင့် လူ့အသက်ဆုံးရှုံးခဲ့သူများ အတွက် ဆုံးရှုံးနစ်နာမှုလျော်ကြေးပေးအပ်သည့် အခမ်းအနားကို ရန်ကုန်မြို့၊ မြန်မာ့အာမခံ လုပ်ငန်း(ရုံးချုပ်) စတုတ္ထထပ်အစည်းအဝေးခန်းမ၌ ၄-၈-၂၀၁၇ ရက်နေ့ ၁၅:၀၀ နာရီတွင် ကျင်းပပြုလုပ်ခဲ့ပါသည်။
၄-၈-၂၀၁၇ ရက်နေ့ မွန်းလွဲ ၂:၀၀ နာရီတွင် မြန်မာ့အာမခံလုပ်ငန်းရုံးချုပ်၌ မြန်မာ့အာမခံ လုပ်ငန်း ဦးဆောင်ညွှန်ကြားရေးမှူး ဒေါက်တာစန္ဒာဦးနှင့်အဖွဲ့အား ဗြိတိသျှသံရုံးမှ တာဝန်ရှိသူများ လာရောက်၍ Capital Markets Development နှင့် Innovative Finance အကြောင်း လာရောက်တွေ့ဆုံဆွေးနွေးခဲ့ပါသည်။
၃-၈-၂၀၁၇ ရက်နေ့ မွန်းလွဲ ၂:၀၀ နာရီတွင် Fullerton Myanmar မှ General Manager Mr. Leslie Lee Chee Wei နှင့်အဖွဲ့သည် မြန်မာ့အာမခံလုပ်ငန်းသို့ လာရောက်၍ မြန်မာ့ အာမခံလုပ်ငန်း ဦးဆောင်ညွှန်ကြားရေးမှူး ဒေါက်တာစန္ဒာဦးနှင့်အဖွဲ့အား လာရောက်တွေ့ဆုံ၍ Micro Insurance အကြောင်း ဆွေးနွေးပြောကြားခဲ့ပါသည်။
၁-၈-၂၀၁၇ ရက်နေ့ ညနေတွင် Gesellschaft Internationale Zusammenarbeit-Banking and Financial Sector Development(GIZ-BFSD) မှ Program Manager နှင့်အဖွဲ့သည် မြန်မာ့အာမခံ လုပ်ငန်းသို့ လာရောက်၍ အာမခံလုပ်ငန်းကြီးကြပ်ရေးအဖွဲ့၏ မူဘောင်နှင့် မြန်မာ့အာမခံအသင်းဖွဲ့စည်းမှု မူဘောင်တို့နှင့်စပ်လျဉ်းသည့်ကိစ္စရပ်များကို မြန်မာ့အာမခံလုပ်ငန်း ဦးဆောင်ညွှန်ကြားရေးမှူး ဒေါက်တာ စန္ဒာဦးနှင့်အဖွဲ့အား လာရောက်တွေ့ဆုံဆွေးနွေးခဲ့ပါသည်။
၂၅-၇-၂၀၁၇ ရက်နေ့ မွန်းလွဲ ၂:၃၀ နာရီ အချိန်တွင် Shin Kong Life Insurance မှ မြန်မာ့အာမခံလုပ်ငန်း ဦးဆောင်ညွှန်ကြားရေးမှူးအား လာရောက်တွေ့ဆုံနှုတ်ဆက်ခဲ့ပါသည်။
မြန်မာ့အာမခံလုပ်ငန်းရှိ အရာထမ်း/ဝန်ထမ်းများအတွက် အခြေခံကွန်ပျူတာသင်တန်း (၁/၂၀၁၇)အား ရုံးချုပ်၊ ကွန်ပျူတာသင်တန်းခန်းမတွင် ၂၄-၇-၂၀၁၇ မှ ၁၈-၈-၂၀၁၇ ထိ ဖွင့်လှစ်လျက်ရှိရာ မနက်ပိုင်းသင်တန်းတွင် သင်တန်းသား (၂၂) ဦး၊ မွန်းလွဲပိုင်းသင်တန်းတွင် (၂၂) ဦးဖြင့် စုစုပေါင်း(၄၄) ဦး တက်ရောက်လျက် ရှိပါသည်။
(၁၄-၇-၂၀၁၇)ရက်နေ့၊ မွန်းလွဲ(၃:၀၀)နာရီတွင် ရန်ကုန်တိုင်းဒေသကြီးအစိုးရအဖွဲ့ရုံး တွင် YBS(၅၅)မှ YBS(၃၇)သို့ ဝင်ရောက်တိုက်မိရာမှ ခရီးသည်(၁၀)ဦး သေဆုံးခြင်းအတွက် အကျိုးခံစားခွင့်ရှိသူ မိသားစုဝင်များအား YRTA(Yangon Region Transport Authority) ရန်ကုန်တိုင်းဒေသကြီး သယ်ယူပို့ဆောင်ရေး ကြီးကြပ်ကွပ်ကဲမှုအာဏာပိုင်အဖွဲ့မှတစ်ဆင့် သွားရောက် ပေးအပ်ခဲ့ပါသည်။ ယင်းအခမ်းအနားသို့ မြန်မာ့အာမခံလုပ်ငန်းမှ အထွေထွေ မန်နေဂျာ ဦးခင်မောင်ဝင်းနှင့် အရာထမ်း၊ ဝန်ထမ်းများ တက်ရောက်ခဲ့ပါသည်။
