မြန်မာ့အာမခံလုပ်ငန်း၊ ချင်းပြည်နယ်ရုံးမှ ပြည်နယ်တာဝန်ခံသည် အာမခံအကြောင်းသိကောင်းစရာဟောပြောပွဲကို (၈-၈-၂၀၁၉) ရက်နေ့ နံနက် (၁၁:၀၀) နာရီအချိန်တွင် ထန်တလန်မြို့၊ မြို့နယ်ခန်းမဆောင်တွင်ပြုလုပ်သည့် ယာဉ်စည်းကမ်း၊ လမ်းစည်းကမ်း အသိပညာပေးဟောပြောပွဲတွင် ပြုလုပ်ခဲ့ပါသည်။
အဆိုပါဟောပြောပွဲတွင်တာဝန်ခံမှ သူတစ်ပါးထိခိုက်မှုအာမခံအကြောင်းနှင့် အလုံးစုံထိခိုက်မှု အာမခံအကြောင်းများကို ဟောပြောရာ တက်ရောက်သူဦးရေ (၄၃) ဦးတက်ရောက်ခဲ့ပါသည်။
မြန်မာ့အာမခံလုပ်ငန်း၊ ကယားပြည်နယ်ရုံးမှ ယာယီတာဝန်ခံသည် အာမခံလုပ်ငန်းအသိပညာပြန့်ပွားရေးဟောပြောပွဲကို (၁၀-၇-၂၀၁၉) ရက်နေ့ နေလည် (၃:၀၀)နာရီ အချိန်တွင် လွိုင်ကော်မြို့၊ ပန်ကန်းကျေးရွာရှိ အခြေခံပညာအထက်တန်းကျောင်း အစည်းအဝေးခန်းမ၌ ကယားပြည်နယ်အတွင်း ဆောင်ရွက်လျှက်ရှိသော အာမခံအမျိုးအစားများနှင့် အသက်အာမခံ ကာလတို/ကာလရှည်၊ ကျန်းမာရေးအာမခံများအကြောင်း ရှင်းလင်းဟောပြောခဲ့ပါသည်။
ဟောပြောဆွေးနွေးပွဲသို့ ကျောင်းအုပ်ဆရာမကြီးနှင့် ဆရာ/ဆရာမ(၂၀) ဦးခန့် တက်ရောက်ခဲ့ပြီး သိရှိလိုသည့် မေးမြန်းချက်များအပေါ် ယာယီပြည်နယ်တာဝန်ခံက ပြန်လည်ရှင်းလင်းဆွေးနွေးခဲ့ပါသည်။
မြန်မာ့အာမခံလုပ်ငန်း၊ ပြည်ခရိုင်ရုံး၏ အာမခံအကြောင်း သိကောင်းစရာစည်းရုံး ဟောပြောပွဲကို (၁၃-၆-၂၀၁၉) ရက်နေ့ ညနေ (၃:၀၀) နာရီအချိန်တွင် ပြည်မြို့ မြန်မာ့လယ်ယာဖွံ့ဖြိုးရေးဘဏ်ရုံး အဆောက်အဦးအတွင်း ကျင်းပပြုလုပ်ခဲ့ရာ ဒေသခံပြည်သူ (၉၀) ဦးခန့် တက်ရောက်ခဲ့ပါသည်။
ဆွေးနွေးဟောပြောပွဲတွင် ခရိုင်တာဝန်ခံမှ အာမခံလုပ်ငန်းစနစ်နှင့်သဘောတရားများကို ရှင်းလင်းတင်ပြ၍ ရာသီဥတုညွှန်းကိန်းအာမခံ၊ တောင်သူလယ်သမားအသက်အာမခံ၊ မြွေအန္တရာယ်အသက်အာမခံလုပ်ငန်း အကြောင်းအရာများကို အဓိကဆွေးနွေးဟောပြောခဲ့ပြီး တက်ရောက်လာသူများမှ မေးမြန်းချက်များကို ဆွေးနွေးဖြေကြားခဲ့ပါသည်။
မြန်မာ့အာမခံလုပ်ငန်း၊ တောင်ငူခရိုင်ရုံး၏ အာမခံအကြောင်း သိကောင်းစရာစည်းရုံး ဟောပြောပွဲကို (၅-၇-၂၀၁၉) ရက်နေ့ နံနက် (၁၁:၃၀) နာရီအချိန်တွင် တောင်ငူမြို့ မြို့နယ် စည်ပင်သာယာရေးခန်းမ၌ ပြုလုပ်ခဲ့ရာ အရာထမ်း၊ ဝန်ထမ်း (၈၅) ဦးခန့် တက်ရောက်ခဲ့ပါသည်။
အဆိုပါဟောပြောပွဲတွင်ဒု-ခရိုင်တာဝန်ခံမှနိုင်ငံ့ဝန်ထမ်း(ကာလတို)၊ နိုင်ငံ့ဝန်ထမ်း(ကာလရှည်)၊ အသက်အာမခံနှင့် ကျန်းမာရေးအာမခံ၊ မြန်မာ့အာမခံလုပ်ငန်းမှ ဆောင်ရွက်ပေးလျှက်ရှိသော အာမခံအမျိုးအစားများအကြောင်း အကျယ်တဝင့်ရှင်းလင်းပြောကြားခဲ့ပြီး တက်ရောက်သူ အရာထမ်း ဝန်ထမ်းများ၏ သိရှိလိုသည်များကို ဆွေးနွေးဖြေကြားခဲ့ပါသည်။
မြန်မာ့အာမခံလုပ်ငန်း၊ ရွှေဘိုခရိုင်ရုံး၏ တာဝန်ခံမှ အာမခံအကြောင်းသိကောင်းစရာ စည်းရုံး ဟောပြောပွဲကို (၄-၇-၂၀၁၉) ရက်နေ့ နံနက်(၀၉:၀၀)နာရီအချိန်တွင် ဝက်လက်မြို့၊ မြန်မာ့ လယ်ယာဖွံ့ဖြိုးရေးဘဏ်၌ ကျင်းပခဲ့ရာ ဝန်ထမ်းအင်အား (၂၀၀) ဦးခန့် တက်ရောက်ခဲ့ပါသည်။
အဆိုပါဟောပြောပွဲတွင် ဒုတိယတိုင်းဒေသကြီးမန်နေဂျာ (လယ်/ဖွံ့ဘဏ်) နှင့် မြန်မာ့အာမခံ လုပ်ငန်း ခရိုင်တာဝန်ခံတို့မှ တောင်သူလယ်သမားအာမခံ၊ မြွေအန္တရာယ်အာမခံ၊ ရာသီဥတု အညွှန်းကိန်းအာမခံအမျိုးအစားများအကြောင်း ရှင်းလင်းပြောကြားခဲ့ ပါသည်။
မြို့နယ်မန်နေဂျာ(လယ်/ဖွံဘဏ်)နှင့် မြန်မာ့အာမခံလုပ်ငန်း၊ ရွှေဘိုခရိုင်ရုံးမှ တာဝန်ခံတို့မှ အာမခံအကြောင်း သိကောင်းစရာစည်းရုံးဟောပြောပွဲကို (၂၇-၆-၂၀၁၉) ရက်နေ့ နံနက် (၀၉:၀၀) နာရီ အချိန်တွင် မြန်မာ့လယ်ယာဖွံ့ဖြိုးရေးဘဏ်၊ ရွှေဘိုမြို့၌ ကျင်းပခဲ့ရာ တောင်သူ (၁၀၀) ဦးခန့် တက်ရောက်ခဲ့ပါသည်။
အဆိုပါဟောပြောပွဲတွင် တောင်သူလယ်သမားအာမခံ၊ မြွေအန္တရာယ်အာမခံ၊ ရာသီဥတုအညွှန်း ကိန်းအာမခံ အမျိုးအစားများအကြောင်း ရှင်းလင်းပြောကြားခဲ့ပါသည်။
မြန်မာ့အာမခံလုပ်ငန်း၊ မိတ္ထီလာခရိုင်ရုံးမှ တာဝန်ခံသည် အာမခံလုပ်ငန်းအသိပညာ ပြန့်ပွားရေး ဟောပြောပွဲကို (၂၇-၆-၂၀၁၉) ရက်နေ့ နံနက်(၁၀:၀၀)နာရီအချိန်တွင် မိတ္ထီလာခရိုင်၊ ပြည်သူ့ကျန်းမာရေးဦးစီးဌာန၊ အစည်းအဝေးခန်းမ၌ ကျင်းပခဲ့ရာ မြို့နယ်ကျန်းမာရေးမှူးများ၊ သားဖွားဆရာမများ၊ တိုက်နယ်/ကျေးလက်ကျန်းမာရေးမှူးများ၊ အရာထမ်း/ဝန်ထမ်းများနှင့် ဆရာ/ဆရာမများ စုစုပေါင်း(၁၂၀) ဦး တက်ရောက်ခဲ့ပါသည်။
မြန်မာ့အာမခံလုပ်ငန်း၊ မကွေးတိုင်းဒေသကြီးရုံးမှ တာဝန်ခံနှင့်ဒုတိယတာဝန်ခံသည် အာမခံလုပ်ငန်းအသိပညာပြန့်ပွားရေးဟောပြောပွဲကို (၂၆-၆-၂၀၁၉) ရက်နေ့ နံနက်(၁၀:၀၀) နာရီအချိန်တွင် မကွေးခရိုင်၊ လယ်ယာဖွံ့ဖြိုးရေးဘဏ်၌ ကျင်းပခဲ့ရာ တောင်သူ (၈၀) ဦး တက်ရောက်ခဲ့ပါသည်။
အဆိုပါဟောပြောပွဲတွင် တာဝန်ခံမှ အသက်အာမခံ၊ သူတစ်ပါးထိခိုက်မှုအာမခံ၊ မီးနှင့်အင်ဂျင်နီယာအာမခံ၊ ရေကြောင်းပို့ကုန်ပစ္စည်းအာမခံ နှင့် ခရီးသွားအာမခံ တို့အကြောင်း ဟောပြောပြီး ၎င်းတို့အနက်မှ တောင်သူလယ်သမားအသက်အာမခံအကြောင်းအား အဓိကထား ဟောပြောခဲ့ပါသည်။
မြန်မာ့အာမခံလုပ်ငန်း၊ ဖျာပုံခရိုင်ရုံးမှ တာဝန်ခံသည် အာမခံလုပ်ငန်းအသိပညာ ပြန့်ပွားရေး ဟောပြောပွဲကို (၂၈-၆-၂၀၁၉) ရက်နေ့ နံနက်(၁၀:၀၀)နာရီအချိန်တွင် ဖျာပုံမြို့၊ မြို့နယ်ပညာရေးမှူးရုံး၊ အစည်းအဝေးခန်းမ၌ ကျင်းပခဲ့ရာ ဝန်ထမ်းအင်အား (၁၅၀) ဦးခန့် တက်ရောက်ခဲ့ ပါသည်။
အဆိုပါဟောပြောပွဲတွင် ခရိုင်တာဝန်ခံမှ သူတစ်ပါးထိခိုက်မှုအာမခံ၊ အလုံးစုံမော်တော်ယာဉ် အာမခံ၊ မီးနှင့်သဘာဝဘေးအန္တရာယ်အာမခံ၊ ရေ/လေ ခရီးသွားအာမခံလုပ်ငန်း၊ တောင်သူလယ်သမားအသက်အာမခံလုပ်ငန်း၊ နိုင်ငံဝန်ထမ်းအသက်အာမခံ(ကာလတို) နှင့် ကျန်းမာရေးအာမခံအမျိုးအစား(၃)မျိုး အကြောင်းတို့ကို ရှင်းလင်းဟောပြောခဲ့ပါသည်။
မြန်မာ့အာမခံလုပ်ငန်း၊ မြဝတီခရိုင်ရုံးမှ တာဝန်ခံသည် အာမခံလုပ်ငန်းအသိပညာ ပြန့်ပွားရေး ဟောပြောပွဲကို (၁၉-၆-၂၀၁၉) ရက်နေ့ နေ့လည်(၁၂:၀၀)နာရီအချိန်တွင် မြဝတီမြို့၊ အ.ထ.က(၃) ကျောင်း၌ ကျင်းပခဲ့ရာ ဝန်ထမ်းအင်အား (၇၀) ဦးခန့် တက်ရောက်ခဲ့ပါသည်။
အဆိုပါဟောပြောပွဲတွင် နိုင်ငံဝန်ထမ်းအသက်အာမခံ(ကာလတို) နှင့် ကျန်းမာရေးအာမခံ အကြောင်းကို ဆွေးနွေး ဟောပြောခဲ့ပါသည်။
